ما اتخيلت اعـ،،ـرس ود عمي في البداية ما كنت راضيه بيهو 😂
هو ود عمي اتربينا سوا من صغار نسبة لأنو كنا ساكنين كلنا ك اعمام وعمات في حلة وحدة؛ م اتخيلت ف يوم اني ح اعرسوا اصلاً لانو ولامرة ختيتو ف مكان راجلي بس اهلنا من باب الضحك تاحنا صغار كانو بقولوا احمد ل فاطمة وفاطمة ل احمد ؛ رغم انو ود عمي واي حاجة بس كان اكتر زول بعيد عني يعني عـ،،ـلاقتنا ببعض م كانت قوية شديدد لحدي م كبرنا واهلنا هنا اخدو موضوع احمد ل فاطمة وفاطمة ل لحمد ع محمل الجد!!..
في البداية م كنت راضية بيهو نسبة لانو كنت من البنات البتؤمن بالحب والكلام الكتير دلك وم كان عندي ليهو اي مشاعر غير انو ود عمي ف كانوا كل م بفتحو لي موضوعو ياقمت من مكاني ياعملت فيها م سامعة🙄💔….
من ناحيتو هو م كان رافض بالعكس كان مبسوط وعايزني واي زول ف العيلة كان موافق الا انا وابوي وامي م حاولوا يضغطوا علي بالعكس، كاموا مخليني ع راحتي❤️…
هو ك زول كان موافق وم عندو رأي ف الزواج دة كان بيحاول يتقرب مني ب اي طريقة، كل م بكون ماشة الجامعة بلقاهو بستناني بعربيتو عشان يوصلني رغم انو جامـ،،ـعتي ف حتة وشغلو ف حتة كان طول الطريق بتونس وكل مرة نوصل فيها الجامعة قبل م انزل بيقول لي “فاطمة، فكري كويس عليك الله م ناوية تحني على قلبي دة😂”..
كنت بضحك معاهو وبنزل والجملة دي كل يوم كان بكررها لي بدون زهج وبنفس اللهفة..
والضغط بقى اكبر علي لمن بقى بجيني من صحباتي وبيقولوا لي وافقي ياسجمانة عايزين لينا عـ،،ـرس نرقص فيهو واحمد دة م بتعوض ..
شوية شوية الأيام بدأت تثبت لي قدر شنو هو بحبني..
حصلت مواقف كتير احمد كان اول زول معاي فيها..
لمن مرضت كان يومي بجي بيتنا ع اساس يتونس مع ابوي، وامي تجي تقول لي “مشمم الراجل دة لاجاي يتونس مع ابوك لا شتين من قبيل عيونوا بتفتش فيك وافقي خلينا نفرح بيك يابتي احمد دة م بتلقي زيو والله”..
ولمن انسرق تلفوني ف يوم وانا راجعة من الجامعة تاني يوم اول م عرف جاب لي تلفون غيروا ولمن رفضت زعل مني وحرد الكلام معاي الا اعتذرت منو وشلتو منو ….
وكتير وكتير من المواقف ال أثبت لي قدر شنو احمد دة بحبني…
واخيراً قررت اوافق على احمد بعد صلاة استخارة🥺❤️…
اول م وريت امي اني موافقة بيهو الزغاريد دي ملت البيت😂❤️
وكانو كلهم مبسوطين اعمامي وعماتي وابوي وامي وهو زاتو😂❤️❤️
والحمدلله من شدة الشلاقة بتزكر وافقت عليهو الثلاثاء الجمعة طوالي عقدوا 😂❤️
والحمدلله .. بحمد ربنا شديدددد انو ربنا اداني ود عم زي احمد، بقى لي اخو وصاحب قبل م يكون راجلي ومن عرسنا ل يوم الليلة م حصل زعلني، رغم انو م كنت من الناس البتأيد عرس الاقارب ديل، بس احمد خلاني اغير تفكيري عن النقطة دي 100 مرة وربنا يخليهو لي وم يحرمني منو يارب وكلمة اخيرا مني، عرسوت ود العم يابنات ود العم حيختك ف عيونوا والله
ويخاف على زعل اهلك قبل زعلك والله❤️